Programa de especialización en materia de financiamento comunitario

Bruxelas, 25 de xuño de 2015.- A Fundación Galicia Europa (FGE) convoca un programa de especialización para 20 persoas que se desenvolverá na súa oficina de Bruxelas durante os vindeiros días 21 a 25 de setembro.

Os participantes recibirán formación especializada sobre o marco financeiro comunitario 2014-2020, os programas e iniciativas europeos e as vías de financiamento existentes, ademais de visitar as sedes das institucións europeas co obxectivo de coñecer de primeira man as súas competencias e funcionamento. A FGE cofinanciará os gastos derivados da participación neste programa.

Con esta actuación preténdese continuar co compromiso da FGE de impulsar a participación das entidades públicas e privadas galegas na captación de fontes de financiamento comunitario que permitan executar todo tipo de proxectos en beneficio do tecido produtivo e da sociedade galega en xeral.

O programa está dirixido especialmente ao persoal vinculado ás entidades membro do padroado da FGE, pero tamén poderá participar persoal das entidades locais galegas, do terceiro sector e de calquera outra das entidades públicas ou privadas galegas que teñan relación coa xestión de proxectos europeos.

Consulta toda a documentación e os formularios de solicitude aquí.

As persoas interesadas en participar no programa terán de prazo ata o día 10 de xullo do 2015 para enviar a solicitude e documentación correspondente ao enderezo electrónico This email address is being protected from spambots. You need JavaScript enabled to view it.

Para calquera información complementaria poden contactar coa FGE no teléfono 981 541012 ou no enderezo electrónico This email address is being protected from spambots. You need JavaScript enabled to view it.